11/09/2013 17:30:44

Chefa-t shqiptarë më të mirët e një konkursi në Rumani

Medalje ari për trembëdhjetë prej tyre

TIRANE - Në një kampionat ndërkombëtar të gatimit në ajër të hapur, organizuar para pak ditësh në Rumani, u nderuan me medalje ari 13 shefa kuzhine, që përfaqësuan Shqipërinë dhe 6 ekspertë të gatimit shqiptar me medalje bronxi.

Aktiviteti u organizua nga Festivali Cultural Association Euro East Alternative-Romania 2013. Për herë të parë Shqipëria mori pjesë me një anëtar në Jurinë e vlerësimit, Prof. Arjan Ceka.

Në këtë kampionat morën pjesë ekipe guzhinierësh në artin e gatimit kulinar ndërkombëtar nga 18 vende si dhe nga 5 shtete për somilierinë (provimi dhe vlerësimi i verave).

Me çmime dhe medalje u nderuan Majlinda Brakaj, Petro Verria, Ditmir Lipe, Arjan Mihaj, Alban Veliu dhe Klodian Kuka (somilier). Në konkurse ndërkombëtare të nivelit të lartë profesional është hera e tretë që Shqipëria përfaqësohet me një ekip të përzgjedhur ndër guzhinierët më të mirë, si ekip kombëtar shqiptar, që prezantojnë Shqipërinë dhe gastronominë shqiptare. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin