11/09/2013 11:43:09

Kadare përkthehet në rumanisht

Romani ''Darka e Gabuar'' e shkrimtarit shqiptare botohet në Rumani

TIRANË - Pas Gjeneralit të ushtrisë së vdekur të Kadaresë një tjetër roman i tij botohet në rumanisht. Bëhet fjalë për romanin "Darka e gabuar" përkthyer nga Marius Dobresku dhe botuar nga Shtëpia Botuese “Humanitas”, ku janë botuar edhe pjesa më e madhe e veprës së Kadaresë. Që nga viti 1983, Dobresku ka përkthyer në rumanisht plot 23 romane dhe novela të shkrimtarit të shquar shqiptar.

Me rastin e botimit të këtij romani shkrimtari dhe përkthyesi Marius Dobresku shprehet se Kadare nuk është një shkrimtar që përtypet lehtë, i thjeshtë e që botohet me tirazhe të mëdha. “Vepra e tij është e rëndë, hera-herës e errët, që të vë në mendime dhe të bën të meditosh mbi historinë dhe pasojat e saj shkatërruese ndaj individit. Për rrjedhojë, lexuesit e veprës së Kadaresë janë përgjithësisht njerëz të kultivuar, që mund të bëjnë vlerësime, pra është një kategori njerëzish, jo shumë e madhe në numër, por tepër e rëndësishme për çdo shoqëri”, ka thënë Dobresku.

Sipas përkthyesit Luan Topçiu, romani premton të jetë sukses editorial. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin