10/09/2013 18:50:30

''Requiem'' i Verdit hap dyert e TKOB

Shfaqja do të ngjitet nesër në mbrëmje në Teatrin Kombëtar të Operas dhe Baletit nën interpetimin e dy orkestrave rinore prej 86 muzikantësh shqiptarë dhe italianë

TIRANË - “Requiem” nga Giuseppe Verdi do të çelë sezonin e ri të Teatrit Komëbtar të Operas dhe Baletit, në kuadër të 200-vjetorit të lindjes së tij, që po përkujtohet në të gjitha skenat operistike botërore.

Shfaqja do të ngjitet nesër në mbrëmje në Teatrin Kombëtar të Operas dhe Baletit nën interpetimin e dy orkestrave rinore prej 86 muzikantësh shqiptarë dhe italianë, 60 koristë të Teatrit të Operës, katër solistë që vijnë nga Italia: Serena Daolio, soprano; Cristina Melis, mezzo – soprano; Alessandro Liberatore, tenor dhe Raffaele Costantini, bas. Vepra do të drejtohet nga një prej emrave më të mëdhenj të dirigjimit në Itali, maestro Aldo Ceccato.

Vepra do të vijë së pari në Tiranë dhe më pas do të zhvendoset në Shkodër, në Kishën Françeskane. Angazhimi i dy orkestrave, asaj të Fiesole-s dhe asaj shqiptare, do të vazhdojë në Itali, në Pisa, më 14 shtator, kur, nën drejtimin e M° Ceccato-s, muzikantët e rinj do të kenë nderin të hapin Përmbledhjen Ndërkombëtare të Muzikës së Shenjtë Anima Mundi.

“Requiem” është një kompozim i vitit 1874 i Giuseppe Verdit, për kor, solistë dhe orkestër. Vepra i kushtohet shkrimtarit Alessandro Manzoni. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin