07/09/2013 17:19:43

Kek me kumbulla

nga Brunhilda Çela

Sekretet e aromave të Brunhildës Përbërësit: 1 gotë ujë miell i plotë (ju mund te merrni miell normal)
-1 filxhan çaji miell normal
-1 filxhan çaji bajame të bardha të bluar ose lajthi
-1/2 pako pluhur pjekës
-esencë vaniljeje
-pak kanellë
-4-5 vezë
-1 filxhan çaji vaj luledielli ose gjalpë të shkrirë (une e bera me vaj)
-250 ml kos ose qumësht
-1 gotë sheqer integral ose merrni sheqer normal
kumbulla reth 600 gr (jo te buta)
pak sheqer për kumbullat lart e pak kanellë

Rrah në fillim vezët me sheqerin rreth 5 miunta dhe shtoj me radhë kosin, vajin, esencën e vaniljes, kanellën. Vazhdoj rrahjen (foto) dhe në fund shtoj miellërat e përzier me bajamet (ose lajthitë) dhe pluhurin pjekës lugë - lugë e jo me shumë shpejtësi.

Furrën e ngroh në 185 gradë. E shtroj brumin në një tavë ku kam shtruar letër pjekëse poshtë, radhis kumbullat bukur i spërkas më pak sheqer dhe kanellë dhe i vë të piqen, rreth 40 minuta. Në fund e spërkas me pak sheqer pluhur. Ju bëftë mirë ! Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin