26/08/2013 11:54:21

Kek me dardhë

nga Brunhilda Çela

Sekretet e aromave të Brunhildës Që do bëja një kek me dardhë sot e dija, po me çfarë nuk e kisha planifikuar. Vendosa që këtë kek ta bëj me miell të plotë, me grurin kamut që kisha. Miellin që kam bërë bukën në një album që ju kam nxjerrë para 1 javë e blova tre herë që të ishte sa më i imët dhe nxora 1 gotë miell të plotë të porsa bluar.

Duhen tetë gjysma dardhash të qëruara. Tetë qershi kokteli ose liko qershie apo vishnje. Gjysëm gote miell normal. Një filxhan çaji miell kokosi. Pesë
vezë. Tre lugë mjaltë dhe 1 filxhan kafeje sheqer integral ngjyrë kafe. Një filxhan kafeje qumësht panda. Lëkura e 1 limoni. Një filxhan çaji lajthi të bluar. Pak kanellë. Një pako pluhur pjekës dhe 120 gr gjalpë.

Taven e pjekjes e lyeva me gjalpe dhe sheqer dhe shtova aty dardhët. Duhen vënë pak në furrë poshtë të shkrijë sheqeri e të karamelizohet. Nuk e bëra se kisha me nxitim por ju bëjeni më ngadalë se del më mirë. Rraha sheqerin me gjalpin dhe mjaltin dhe hodha aty vezët, pastaj vazhdova dhe pak rrahjen dhe shtova me radhë përbërësit e lëngshëm.

Shtoj dhe lëkurën e limonit. Të gjithë përbërësit e ngurtë i përzieva bashkë pra miellin, kokosin pluhur, kanellën, lajthitë, pluhurin pjekës dhe ia shtoj masës. I përzieva të gjitha bashkë. Vë brumin mbi dardhët dhe e pjek në 180 gradë rreth 40-45 minuta. E le të kullojë pak dhe e përmbys mbi pjatancën e servirjes! Një copë e preva dhe e provova, ka dalë shumë e shijshme ! Na ndiqni dhe në Facebook

HermesNews - ©2013

Dërgo me email | Stampo artikullin