17/08/2013 14:25:59

Fundjava në Durrës: këngëtarët nëpër lokale

Dafina Zeqiri dhe Ermal Mamaqi, dr. Flori dhe Leonora Jakupi, Adelina Tahiri dhe Adrian Gaxha janë vetëm disa nga emrat e skenës shqiptare që kanë pranuar ftesat e drejtuesve të lokaleve të Durrësit

DURRËS - Diskotekat dhe pubet verore të plazhit këto ditë janë të mbushura me të rinj dhe të reja pushues, që festojnë deri natën vonë nën ritmet muzikore shqiptare dhe të huaja.

Shumë prej këngëtarëve të njohur, që janë kthyer në idhuj për rininë shqiptare, këto ditë do të jenë në lokalet më të njohura të qytetit bregdetar si dhe të plazheve në jug të tij, duke iu përgjigjur interesimit në rritje të pushuesve. Shumë prej tyre vijnë nga Kosova, prej nga kanë mbërritur më parë edhe pjesa dërmuese e pushuesve të plazhit më të madh të vendit.

Dafina Zeqiri dhe Ermal Mamaqi, dr. Flori dhe Leonora Jakupi, Adelina Tahiri dhe Adrian Gaxha janë vetëm disa nga emrat e skenës shqiptare që kanë pranuar ftesat e drejtuesve të lokaleve të Durrësit për t'u bërë pjesë e festave të mëdha të fundgushtit.

Plazhi më i madh i vendit filloi të frekuentohej masivisht pas 10 gushtit, kur përfundoi muaji i agjërimit, Ramazani, çka solli në Durrës qindra pushues nga Kosova dhe Maqedonia. Parashikimet pozitive të motit pritet të mbajnë në plazhet e Durrësit mijra pushues, të paktën deri në fund të muajit gusht.

HermesNews - ©2013

Dërgo me email | Stampo artikullin