11/08/2013 15:43:39

Shfaqen maskat ne veri: grabiten 7 milione dinare

Policia njofton se një serb, i cili drejtonte furgonin e Postë Telekomit të Serbisë (PTT Serbia), ka denoncuar grabitjen e 7.000.000.00 dinarëve (më shumë se 60 mijë euro)

PRISHTINË - Një grabitje e armatosur ka ndodhur në veri të Koosvës, në Devine Vode të komunës së Zveçanit; evidenton policia në raportin e saj e saj mbi situatën e rendit në 24 orët e fundit. Policia njofton se një serb, i cili drejtonte furgonin e Postë Telekomit të Serbisë (PTT Serbia), ka denoncuar grabitjen e 7.000.000.00 dinarëve (më shumë se 60 mijë euro), nga dy persona të maskuar dhe të armatosur . "Të dyshuarit kanë shtënë disa herë me armë zjarri në tokë dhe më pas janë larguar në drejtim të paditur. Në këtë ngjarje nuk ka pasur të lënduar", bëhet e ditur në raportin e Policisë së Kosovës. Në 24 orët fundit, nuk është shënuar asnjë aksident rrugor fatal, ndërsa janë vendosur 726 gjoba për shkelje të rregullave të qarkullimit. Media raporton se sot pas mesnates në Mitrovicë janë dëgjuar të shtëna me armë automatike afër urës kryesore mbi lumin Ibër, e më pas një shpërthim, por pa pasoja në jetë njerëzish.

HermesNews - ©2013

Dërgo me email | Stampo artikullin