06/08/2013 12:18:03

Gjirokastra rrezikon statusin në UNESCO

Shumë ndertime pa leje. Qyteti i gurtë ka shumë probleme në ruajtjen e pasurisë botërore

TIRANË - Ndërtimet pa leje në zonën muzeale të Gjirokastrës rrezikojnë statusin e saj në UNESCO. Në raportin e fundit të kësaj organizate vlerësohet se qyteti i gurtë nuk përmbush detyrimet që UNESCO ka vendosur për ruajtjen e trashëgimisë.

Raporti ka lënë afat përfundimtar 30 nëntorin e këtij viti për identifikimin e imtësishëm të problematikave, ndërsa deri në 31 mars të vitit të ardhshëm kërkon një plan për konservimin e zonës që konsiderohet trashëgimi botërore.

Gjirokastra është shpallur pjesë e Trashëgimisë Botërore sipas kriterit që përbën një dëshmi unike të një tradite kulturore të jetës, në shek 14-19. Aktualisht ne qytetin e gurte 57 godina karakteristike kanë nevojë për ndërhyrje urgjente, ndërsa një tjetër problem sipas specialisteve mbeten 160 ndërtime pa leje që kanë rrethuar monumentet e kulturës.

Është kërkuar menjëherë që të pezullohen ndërtimet në zonën muzeale, si dhe hartimi I një liste të detajuar të monumenteve të kategroisë së parë dhe të dytë. Po ashtu nëpërmjet një tjetër raporti kërkohet vlerësimi detajuar i të gjitha shtëpive muze dhe përgatitje e një plani konservimi për të gjithë zonën e shpallur Trashëgimi Kulturore.

HermesNews - ©2013

Dërgo me email | Stampo artikullin