29/07/2013 17:00:33

Tave me plendes

nga Brunhilda Çela

Sekretet e aromave të Brunhildës 400-500 gr plendës të qëruar e të pastruar mirë, 60 ml vaj ulliri, 500 ml ujë, 4 qepë, 6-7 thelba hudhër, 125 ml verë të bardhë, 3-4 domate të qëruara nga lëkurat e grira, 1 gjethe dafine, 1 lugë e vogël kafeje piper të kuq (unë i vë dhe pak spec djegës se me pelqen,) 1 lugë miell, piper të zi, kripë, 1 tufë mendërz nenexhik dhe një dorë të vogel rrush të papjekur aguri ose shtrydhni dhe merrni lëngun e tij të jetë rreth 1 lugë ose i vini 1 lugë uthull nëse nuk gjeni rrush aguridhe, ky i jep një shije të vecantë ajo thartira e rrushit i shkon plendësit.

Përgatitja: në fillim ziejmë plendesin me ujin, kripë, ca kokrra piperi dhe 1 fletë dafine. Pasi është zier e kullojmë lëngun në një sitë dhe plendësin e presim në shirita të gjatë ose siç ju pëlqen juve.

Pastaj në tigan kavërdisim qepën sa të zbutet e të marrë një ngjyrë të lehtë të verdhë e jo të digjet. Shtojmë miellin vazhdojmë kavërdisjen, shtojmë dhe piperin e kuq, e shuajmë me verën dhe lëngun e plendësit (plendësi duhet të dalë në pak lëng).

Shtojmë domatet, piperin e zi, kripën, plendësin, nenexhikun e grirë hollë, e lëmë të marrë nja dy valë, e përziejmë me aromat, e heqim nga zjarri, shtojmë hudhrat dhe rrushin lart, e transferojmë në një tavë balte dhe e lëmë të piqet.

Tava mpikset gjatë pjekjes dhe del në lyren e vet. Pjekja zgjati rreth 30 minuta në 250 gradë, e vura tek pjesa e poshtme që të marrë valë nga poshtë, e të avullohen lëngjet e tepërta. Lart mpikset e merr një kore të lehtë por jo të thahet shumë pra kujdes këtë, duhet që çdo amvisë ta shohë pak dhe vetë me syrin e saj, dhe sobat nuk pjekin njelloj.

HermesNews - ©2013

Dërgo me email | Stampo artikullin