24/07/2013 14:41:23

Rindërtohet xhamia Mbret

Materialet e punimeve janë marrë nga mali i Sopotit në Librazhd

ELBASAN - Punimet për rikonstruksionin e xhamisë Mbret brenda lagjes “Kala” ne Elbasan janë pothuajse në përfundim. Minareja ka përfunduar dhe tashmë po punohet ne pjesën e hajatit dhe atë të brendshme të saj. Ky rikonstruksion qe ka nisur rreth dy muaj më parë, është bërë i mundur falë kontributit të besimtarëve mysliman në qytetin e Elbasanit dhe rrethinat e tij. Materialet e punimeve janë marrë nga mali i Sopotit në Librazhd. Projektuesi i Minarese së xhamisë Mbret, Enver Samuri, tha se “gjatë rikonstruksionit të xhamisë është ruajtur origjinaliteti i saj duke bashkëpunuar edhe me specialistë të Ministrisë së Kulturës”. Sipas tij, ky objekt do t'i shërbejë besimtarëve, por edhe turistëve që vijnë te vizitojnë Elbasanin. Xhamia Mbret është ndërtuar në fund të shekullit XV. Ky objekt kulti ka tëhequr mjaft vëmendjen e turistëve, të cilët vizitojnë qytetin e Elbasanit.

HermesNews - ©2013

Dërgo me email | Stampo artikullin