23/07/2013 22:43:35

Canaj, trajneri i ri i kuqebluve

Ai ka drejtuar ekipin e Vllaznisë edhe pak vite më parë

SHKODËR - Agim Canaj është zgjedhur trajneri i ri i Vllaznisë. Vendimi është marrë të martën nga bordi i sh.a Vllaznia, pas dorëheqjes për arsye shëndetësore të Artan Bushatit nga ky post. Canaj ka drejtuar ekipin e Vllaznisë edhe pak vite më parë.

Gjatë mbledhjes, bordi vendosi gjithashtu që në detyrën e zëvendëstrajnerit të jetë Samuel Nika, një trajner i ri shkodran, i cili më parë ka punuar me ekipet e moshave si dhe në kategorinë e parë të futbollit shqiptar, duke u shquar për rezultate pozitive.

Burime zyrtare nga bashkia Shkodër, që është edhe pronare e ligjshme e klubit të futbollit Vllaznia, bëjnë të ditur se dyshja Canaj-Nika do të fillojë diten e martë nga puna, pas prezantimit të tyre.

HermesNews - ©2013

Dërgo me email | Stampo artikullin