22/07/2013 07:56:12

Gjoks pule deti i mbushur në zgarë

nga Brunhilda Çela

Sekretet e aromave të Brunhildës Kjo është një recetë e thjeshtë që bëhet shpejt dhe si për fundjavë ka tepër sy. Unë gatova tre racione ku dy i mbusha me djathë të bardhë, borzilok (ose shumë majdanoz), pak hudhër të shtypur, vaj ulliri, piper të zi e ca speca të kuq prerë në kubikë, ndërsa tjetrën thjesht me proshutë e dhjathë (kështu e do djali i madh).

Palosi dhe anëve jepu një goditje të lehtë me rrahësen e mishit, ato ngjiten vete, kush ka vështirësi këtu mund t'i mbyllë me kunjat e drurit.


Pastaj e marinojmë me një përzierje erëzash të thata sipas dëshirës dhe e fërkojmë sipërfaqen me vaj ulliri. E pjekim në tigan zgarë nga të dyja anët mirë. Unë e shoqërova me pilaf orizi dhe bullguri (pra përzieva dy garuzhda oriz e dy bullgur) e 9 garuzhda lëng pule e pak gjalpë.

E shoqërova me zarzavate të ziera në avull si bizele bishtajë, karota dyngjyrëshe të verdha e portokalli, pak presh e ca embrione soje). Ju bëftë mirë nëse e provoni !

HermesNews - ©2013

Dërgo me email | Stampo artikullin