17/07/2013 11:51:13

Eskallop viçi në salcë rrushi me verë të bardhë

nga Brunhilda Çela

Sekretet e aromave të Brunhildës Kjo ishte dreka ime për sot. Një vakt i shpejtë dhe shumë i shijshëm. E shoqërova me pilaf, ndërsa për escallopin kisha mish viçi të njomë pjesë për biftek.

E rraha mirë me rrahësen e mishit, e kriposa e piperosa dhe në çdo fetë mishi vura një gjethe sherebeli. Pastaj e lyeva me miell nga të dyja anët. Në një tigan vura gjalpë dhe vaj ulliri dhe i skuqa shumë lehtë copat e mishit një nga një nga të dyja anët. Pastaj i vura në një pjatë. Tek lyra e mbetur shtova një grusht rrush të bardhë ose të kuq mundësisht pa farë dhe pak majosh. I shuaj me verë të bardhë dhe e lë rrushin të marrë disa valë, pastaj e hoqa rrushin mënjanë dhe e vura në një tas. Tek tigani shtova copat e mishit, një gjysëm kubi koncentrat viçi të gatshëm, ujë, piper të bluar ashpër dhe ca fleta sherebeli. I lashë të ziejnë lehtë rreth 15 minuta. Salca lidhet dhe del shumë e shijshme në fund fare shtoj edhe kokrrat e rrushit që i heq mënjanë i lë të marrin ca valë, pastaj i heq nga zjarri.

HermesNews - ©2013

Dërgo me email | Stampo artikullin