17/07/2013 07:29:47

11 shenjat që Italia po bie në krizë ekonomike

Masat shtrënguese anti-krizë po ngadalësojnë ekonominë italiane më shumë se më parë

HermesNews - Kur rritet borxhi, fillojnë të ndodhin gjëra vërtet të këqija.
Fatkeqësisht kjo është ajo cka po ndodh në Itali në këto momente. Masat shtrënguese anti-krizë po ngadalësojnë ekonominë italiane më shumë se më parë. Megjithatë, edhe pas gjithë masave të austeritetit, qeveria italiane vazhdon ta shtojë borxhin. Kjo është po e njëjta rrugë që mori Greqia më parë.

Austeriteti provokon një rënje të të ardhurave, gjë që pengon realizim e objektivave të ndërmarra në uljen e deficitit, të cilat po ashtu çojnë në rritje të masave shtrënguese në ekonomi. Por nëse Italia bie ekonomikisht , problemi do jetë shumë më i madh se në rastin e Greqisë. Italia rradhitet si e nënta ndër ekonomitë më të përparuara në të gjithë planetin. Në të vërtetë ishte e teta më parë, por u parakalua nga Rusia.

Nëse Italia vazhdon të çalojë, edhe India dhe Kanadaja do ta parakalojnë. Eshtë një tragjedi e vërtetë të shohësh se cfarë po ndodh në Itali, pasi është vërtetë një vend i mrekullueshëm. Kur isha fëmijë, im atë ishte në marinë dhe kam pasur fatin të jetoj aty për ca kohë. Eshtë një vend me një klimë fantastike, ushqim të mirë dhe futbollin po ashtu. Njerëzit janë të sjellshëm dhe kultura shumë tërheqëse. Por tani shteti Italian po bie copë- copë.

11 pikat e mëposhtme janë shenjat pse Italia po bie në një krizë të rëndë ekonomike:

1- Taksa e papunësisë është rritur deri në 12.2%. Kjo është shifra më e lartë në 35 vitet e fundit.
2- Taksa e papunësisë tek të rinjtë është rritur deri në 38.5%, ndërsa në jugun e Italisë ka arritur edhe në 50%.
3- Një mesatare prej 134 pikashitjesh po mbyllen cdo ditë. Në përgjithësi rreth 224.000pika janë mbyllur që nga 2008-a.
4- Ekonomia italiane është në rënje prej shtatë muash rradhazi.
5- Parashikohet që BPV-ja italiane të pësojë një zvogëlim prej 1.8% gjatë këtij viti
6- Prodhimi industrial në Itali ka rënë që prej 15 muash. Tani ka rënë në nivelin më të ulët që prej 25 viteve
7- Në përgjithësi, prodhimi industrial në Itali ka rënë me rreth një të katërtën që nga viti 2008
8- Në maj, shitjet e makinave në Itali ranë me 8% në krahasim me vitin e kaluar
9- Numri i njerëzve të cilët konsiderohen "të varfër" në Itali është dyfishuar në dy vitet e fundit
10- Italia tani ka një raport të borxhit / BPV prej 130%
11- Është e qarte se Italia do të ketë nevojë për një plan shpëtimi nga BE brenda gjashtë muajve

Pra Italia ka mbetur pa asnjë grosh.

Dhe ndryshe nga Shtetet e Bashkuara apo Japonia, Italia nuk mund të kontrollojë një banke qendrore dhe të stampoje një sasi të madhe parash të reja me të cilat të blejë tituj shteti. Italia është e lidhur me euron tashmë , dhe kjo kufizon mundësitë e saj. Për fat të keq, paratë po mbarojne shpejt. Më poshtë është një pjese nga një artikull i kohëve të fundit nga Wolf Richter ...

Në shumicën e vendeve do të ishte pafytyrësi ose ndoshta një shtirje e çmendurisë politike, por në Itali lë kohën që gjen: një zyrtar i qeverisë, një ministër, mund të deklarojë në mënyrë të sigurtë se vendi i tij nuk mund të paguajë llogaritë e vjetra, dhe jo për një muaj ose dy, por për pjesën tjetër të këtij viti! Për shkak të disa problemeve "teknike".

Qeveria italiane nuk ka para. Jo se qeveria amerikane apo japoneze janë më të mira, por ata kanë banka qendrore që mund të prodhojnë para sa herë te duan. Italia jo. Banka Qendrore Evropiane është e drejtuar nga një italian i cili vitin e kaluar ka premtuar se do të prodhoje të holla për të mos fundosur Italinë. Por ky premtim nuk është e njëjta gjë e të pasurit një banke qendrore të veten.

Më 4 korrik në Itali ka dalë në dritë një tjetër dështim në lidhje me buxhetin. Shkatërruar nga masat shtrënguese të rreme, shpenzimet janë rritur me 1,3 % në tremujorin e parë, ndërsa të ardhurat kanë mbetur të pandryshuara. Kështu, deficiti u rrit në 7.3% të PBB-së, krahasuar me 6.6% vitin e kaluar, duke e çuar borxhin publik në 130% të GDP-së. Borxhi dhe deficiti marramendës në një ekonomi te gjunjëzuar - Italia është në recesion që prej tremujorit të katërt të vitit 2011 - është një kombinim fatal në Eurozonë.
Edhe pse këto shifra mund të duken me të vërtetë keq, realiteti është se njerëzit që vuajnë më shumë janë qytetarët mesatarë. Shumë italianë janë shkatërruar krejtësisht nga ky depresion ekonomik dhe vetëvrasjet janë ne qiell.
Në Itali historitë tragjike të vetëvrasjeve lidhur me një recesion të thellë janë duke u bërë shumë të shpeshta. Muajin e kaluar pranë Torinos vari veten një ish-punëtor, sepse ai nuk mund të gjejnte punë. Në maj, një i ri në Romë ka kryer vetëvrasje menjëherë pasi humbi punën e tij. Të nesërmen Presidenti Xhorxho Napolitano i ka kërkuar qeverisë që të kushtoje "vëmendje të vecantë për situatat e vështirësive të mëdha dhe domosdoshmërisë", në mënyrë që të ndihmojë per të parandaluar valën e vetëvrasjeve.

Eshtë absolutisht tragjike!

Por a e dini cfare?

Edhe Shtetet e Bashuara po ndërmarrin të njëjtën rrugë me Italinë.

Në vitet e ardhshme edhe këtu papunësia dhe vetëvrasja do të ngrihen në qiell.

Ata të cilët jane duke fshehur kokat në këtë kohë do të befasohen nga ajo që po vjen. Por ata që kuptojnë se çfarë po pergatitet të vijë në horizont, dhe që po përgatiten, ata do të kenë një shans më të mirë për të dalë me sa më pak dëme të jetë e mundur.

Italia është pak 'si kulla e Pizës. Të gjithë e dinë se përfundimisht do të bjerë, dhe kur do të ndodhë do të jetë një katastrofë e vërtetë. Kur sistemi financiar italian të shpërthejë, kjo do të jetë shenja se gjendja do të fillojë të përkeqësohet me ritme më te shpejta. Prisni dhe do të shihni se pjesët e tjera të dominos do të fillojnë të bien shumë më shpejt.

* Perkthyer nga Daniela Vathi

HermesNews - ©2013

Dërgo me email | Stampo artikullin