15/07/2013 08:45:33

Rowling nxjerr sekretin: nga kriza në boom shitjesh brenda mëngjesit

Amazon tha se pas lajmit mbi identitetin e vërtetë të autores së librit ''Thirrja e Cuckoo-s'' shitjet u rritën brenda një mëngjesi me 500.000%

LONDER - Autorja e famshme e sagës "Harry Potter" nxjerr me në fund sekretin. Në fakt është ajo autorja e romanit që papritur u kthye në bestseller "Thirrja e Cuckoo-s" (The Cuckoo’s Calling), pas publikimit të lajmit se është ajo autorja e vërtetë e romanit. JK Rowling, kishte përdorur pseudonimin e Robert Galbraith në romanin me protagonist Cormoran Strike, një veteran lufte që kthehet në investigator privat.


Libri i publikuar në muajin Prill, shiti vetëm 1500 kopje, por Amazon tha se pas lajmit mbi identitetin e vërtetë të autores së librit, shitjet u rritën brenda një mëngjesi me 500.000%. Sekreti u publikua nga "Sunday Times" sot dhe pse autorja kishte thënë sipas Bbc, se shpresonte që të mund t'a kishte ruajtur sekretin dhe pak.

Autorja tha se kishte jetuar një eksperiencë çliruese me të qënit dikush tjeter. "Ishte e mrekullueshme të publikoja një roman, pa pritshmëri, thjesht për të marrë një feedback me një emër tjetër", tha autorja.

HermesNews - ©2013

Dërgo me email | Stampo artikullin