12/07/2013 10:02:48

Mrekullitë e kërpurdhave

Llojet më të famshme në botë: pse duhet t'i konsumojmë ? Çfarë nuk dimë ?

Sekretet e aromave të Brunhildës Kërpurdhë quhet zakonisht pjesa e dukshme e mykeve shumëqelizore. Ekzistojnë rreth 38.000 varietete të kerpudhave në botë. Disa prej tyre janë të ngrënshme (ushqyese) dhe shumë toksike (mund të shkaktojnë helmim apo edhe vdekje). Tregu furnizohet kryesisht nga kërpudhat e bardha të kultivuara (bisporus Agaricus), perle (pleurotus ostreatus), portobello, crimini, kërpudha të konservuara dhe kërpudha të egra të rralla që gjenden më tepër zakonisht në formë të tharë ose të ngrirë.

Kërpudhat kanë vlera të larta ushqyese. Ato kanë përmbajtje të lartë të proteinave dhe natriumi, të ulëta në yndyrë të ngopur dhe nuk përmbajnë aspak kolesterol. Kanë shumë vlera pasi përmbajnë të gjitha aminoacidet esenciale, pra është shumë më superior nga proteinat e tjera bimore, duke iu afruar shumë cilësisht proteinave shtazore. Gjithashtu kërpudhat janë një burim i pasur i fibrave, përmbajnë vitamin C,B kompleks (acid folik dhe sidomos thiamine, riboflavin, acid Pantothenic, B6), hekur, zink, mangan, fosfor, kalium, baker dhe selen. Përfitimet që kemi prej konsumimit të shpeshtë të kërpudhave të ngrënshme janë: 1- Ul nivelin e kolesterolit në gjak pasi enzimat dhe fibrat që përmbajnë ato ndihmojnë në uljen e kolesterolit. Përmbajtja e lartë e proteinës së varfër në energji kontribuon në “shkatërrimin” e kolesterolit të lartë, pasi bëhet tretja e kërpudhave.

2- Luan një rol mbrojtës nga kanceri i gjirit dhe ai i prostatës. Acidi linoleik dhe beta-glukanit që përmbajnë kërpudhat janë ato që i japin vetinë e aktivitetit antikanceroz, beta-glucani është i njohur për forcimin e imunitetit. Por duke qenë se përmbajnë dhe selen gjithashtu ndihmon në pezullimin e qelizave kanceroze. Shumë studime kanë treguar se duke vepruar së bashku me vitaminen E këto ulin ndjeshëm shfaqjen e kancerit në zorrën e trashë.

3- Kanë një rol rregullator të sheqerit në gjak. Duke qenë se përmban shumë enzima dhe insulinë ul ndjeshëm glukozën që përmbajnë ushqime të ndryshme. Antibiotikët natyrorë që përmban mbrojnë nga infeskionet e ndryshme, por edhe infeksionet që shkaktohen prej diabetit.

4-Përmirëson ndjeshëm sistemin imunitar. Ergothionina, është një nga antioksidantet më të fuqishëm natyror që përmban kërpudha. Ai mbron qelizat nga radikalet e lira, të cilat shkatërrojnë qelizat e shëndosha.Antibiotikët dhe sidomos Penicilina, po ashtu dhe vitamina C, A dhe B kompleks që gjëndet tek kërpudhat forcojnë shumë sistemin imunitar dhe ndihmojnë kundër infeksioneve.

5- (Sideropenia anemike), mungresa e Hekurit ne gjak. Hekuri që përmbajnë kërpudhat ndihmon kundra anemive të lehta në gjak.

5- Ul presionin e gjakut (pra tensionin) pasi përmban kalium, përmbajtja e lartë e kaliumit dhe e ulët në natrium ndihmon në parandalimin e tensionit të lartë.

6- Ka edhe aktivitet antibakterial për shkak të përmbajtjes së bakrit.

7- Duke konsumuar kërpudhat marrim sasi të mjaftueshme kalziumi, janë shumë të pasura nv kalzium i cili ndihmon për forcimin e eshtrave, gjithashtu edhe në fuksion të sistemit nervor. Këshillohet për gratë që janë në menopauzë pasi ato në këtë periudhë kanë nevojë të lartë të kalciumit (kjo është hormonale pasi hormoni i ostrogenit pakësohet në periudhën e menopausës e ndikon në uljen e nivlit të kalziumit në organizëm).

8-Veprim mjekues. Kërpudha Reishi dhe Shitake japoneze që rriten në pemë, përdoren në mjekësinë tradicionale kineze për më shumë se 2.000 vjet jo vetëm për efektet e dobishme, por edhe për shkak të mungesës së efekteve anësore. Këtu tek ne (Austri) shiten kërpudhat Shitake të kultivuara në gjëndje të freskët por edhe të thata, ndërsa kërpudha Reishi gjëndet në farmaci në formë tabletash apo kapsulash ose pluhuri.

Reishi është e shënuar në Farmakopea SHBA (American Bimor Pharmacopeia dhe terapeutik Compedium) dhe quhet kërpudha mrekulluese. Në mënyrë të ngjashme në Kinë njihet me emrat kërpudha e pavdekesisë, kërpudha e mbinatyrshme, kërpudha magjike.

Për më teper në treg ka dalë dhe një kafe bio e përzier me kërpudhën Reishi, pasi dihet që kafeja është pija më e konsumuar në botë. Kështu pimë kafenë por dhe përfitojmë nga kërpudha Reishi. //HermesNews - ©2013//

Kërpurdhat Reishi

Brunhilda Cela

Dërgo me email | Stampo artikullin