08/07/2013 11:36:18

Kosovarët braktisin bregdetin për muajin e Ramazanit

Gjatë 3 ditëve të fundjavës kanë hyrë në Shqipëri nga Kosova 25316 persona

KUKES - Gjatë kësaj fundjave nuk eshte vërejtur ndonjë rritje e ndjeshme e fluksit të hyrjes në Shqipëri të kosovarëve që i drejtohen bregdetit shqiptar. “Gjatë 3 ditëve të fundjavës kanë hyrë në Shqipëri nga Kosova 25316 persona me 6922 mjete të llojeve të ndryshme”, bën të ditur zëdhënësi i drejtorisë së policisë së qarkut të Kukësit, Jaho Caushaj. Sipas tij, “në ritme normale është edhe lëvizja nga Shqipëria drejt Kosovës, ku gjatë 3 ditëve të fundjavës kanë lëvizur në këtë drejtim 17703 persona me 6897 mjete të llojeve të ndryshme”. Ky është një fluks lëvizjeje më i ulët se e njëjta periudhë e vitit të kaluar, kur në këtë periudhë gjatë 24 orëve hynin në Shqipëri nga Kosova mbi 18 mijë persona, prej të cilëve 14300 shtetas të huaj dhe afro 5000 shtetas shqiptarë.

HermesNews - ©2013

Dërgo me email | Stampo artikullin