06/07/2013 16:37:01

Minikek shoqëruar me salcë qershie

nga Brunhilda Çela

Sekretet e aromave të Brunhildës Përbërësit: 4 vezë
1 gotë e gjysëm miell
gjysëm gote niseshte
lëkura e 1 limoni
1 gotë sheqer
200 ml vaj
200 ml kos
1 lugë gjelle pluhur pjekës
2 lugë gjelle kakao (gjysmat i bëra pa kakao gjysmat me kakao pra e ndani brumin me dysh.
1 ose më shumë qershi në çdo minikek unë i vura vetëm 1 se me të tjerat bëra salcën. I piqni në 180 gradë rreth 25 min.

Për salcën e qershisë:
500 gr qershi
3-4 lugë sheqer të cilin e karamelizova pak. Shtova aty qershitë, pak verë të ëmbël të bardhë, pak liker qershie ose konjak, i lë të marrin ca valë dhe i vini pak karafil.

Lëngun unë e trasha me pak agar-agar (pluhur trashës që nxirret nga algat) mund ta trashni dhe me niseshte. Për pjesën lart rraha 250 gr krem pana me pak sheqer vaniljeje, i mbusha në qeskën e pastiçerit dhe ia vura lart minikekeve.

Zbukuroni me qershi dhe i shoqëroni me salcën e qershisë. Të nesërmen ca minikeke unë i preva me dysh, ua hoqa pak zemrën me një lugë dhe i mbusha me salcë (se kisha bërë pak si shumë), i vura kapakun nuk arrita as ti fotografoj se mi përlau i vogli por do i bëj herë tjetër e do ua tregoj se dolën shumë të mira të mbushura. Do e provoj së shpejti t'i bëj vetëm ashtu, ndoshta dhe me frut tjetër.

HermesNews - ©2013

Dërgo me email | Stampo artikullin