02/07/2013 16:32:42

Huff.post për zgjedhjet në Shqipëri

nga Fred Abrahams, Hufftingtonpost

HermesNews - Zgjedhjet në Shqipëri meritojnë një duartrokitje. Një pjesë e madhe e popullit hodhi poshtë me zgjedhje të qeta dhe demokrate kryeministrin autoritar Berisha, i cili ka dominuar jetën politike shqiptare që nga rënia e komunizmit për 22 vjet rresht.

Gjithsesi vëzhguesit ndërkombëtar, duke përfshirë edhe Bashkimin Europian që po vlerëson kandidimin e Shqipërisë, nuk duhet ta interpretojnë këtë sukses si shenjë e një ndryshimi struktural. Dinamikat pas zgjedhjeve dhe një vëzhgim i afërt i rezultatit tregojnë disa mangësi shqetësuese që do të kenë ndikimin e tyre në Shqipëri në vitet në vijim. Duartrokitja duhet të jetë e shkurtër.

Së pari, fitorja e Partisë Socialiste nuk i detyrohej programit të partisë së tyre apo liderit, por thjeshtë ishte një votë kundër Berishës. Shqipëtarët refuzuan paternalizmin e tij të vjetër dhe korrupsionin të cilin ai premtonte se do të luftonte, por që në të vërtetë nuk bëri asgjë.

Së dyti, votuesit nuk kaluan direkt tek krahi i kundërt, sepse në fakt PS mori vetëm një vend më shumë në parlament se para katër vitesh. Fituesi më i madh ishte LSI që kaloi nga 4 në 16 vende në parlament.

Një kapercim i tillë ishte i pamendueshëm deri para disa muajsh. Kjo sepse partia e Metës ishte pjesë e qeverisë në fuqi falë koalicionit me Berishën. Personalisht Meta akuzohej për korrupsion për shkak të një videoje që tregonte një marrëveshje të jashtëligjshme. Por autenticiteti i videos nuk u verifikua kurrë dhe madje ra në harresë për shkak të presionit politik.

Gjatë këtyre zgjedhjeve, Meta bëri një ndryshim aleance duke braktisur Berishën për të iu bashkuar PS-së së Ramës. Dhe mesa duket shqiptarët u gënjyen nga premtimet për punësim dhe pagesa të larta, duke lënë mënjanë korrupsionin për të cilin akuzonin Metën deri dje. Si demokratët, ashtu edhe socialistët thonë se partia e Metës është mjaft e organizuar dhe efikase.

Edi Rama, si fitues i zgjedhjeve do të bëhet kryeministër, por nuk duhet nënvlerësuar Meta. Sic bëri me Berishën, ai do të kërkojë një përqindje të lartë në administratë për mbështetësit e tij dhe rrugë të lirë në marrëveshjet e biznesit.

Nga ana tjetër Rama, për të përballuar shpenzimet e larta të fushatës ka kërkuar ndihmën e biznesmenëve, të cilët presin kthimin e favorit. Në këtë mënyrë Shqipëria ka zgjedhur një formë më demokratike të korrupsionit në krahasim me atë të Berishës që kufizohej në një rreth familjar dhe shoqëror.

Aprovimi i këtyre zgjedhjeve duhet parë me sy skeptik nga vëzhguesit e huaj. Blerja e votës është ende e vështirë të identifikohet dhe të bihet në gjurmët e votë blerësve. Fakti që nuk u vunë re dukshëm manipulime t ëpacipa ishte më shumë për shkak të fitores së madhe të kundërshtarëve sesa për shkak të përmirësimit të procesit.

Shqipëria duket më e qëndrueshme dhe e denjë për BE, falë zgjedhjeve të qeta dhe transferimit paqësor të pushtetit. Berisha bëri edhe një gjest të papritur duke dhënë dorëheqjen si kreu i Partise Demokratike, edhe pse ai do të jetë pjesë e parlamentit të ri. Stabiliteti është iluzor, ai bazohet më shumë në formulime shqiptarësh sesa në istitucione. Nuk është se sistemi punoi më mirë, ai thjesht nuk u vu nën testim.

Edi Rama, një artist dhe ish kryebashkiaku i Tiranës, nuk është Sali Berisha - ai do të shmangë përçarjet, qasjet me në bazë klanet që karakterizonin paraardhësin e tij. Por ai i detyrohet “një kile mish” Metës dhe atyre që financuan fushatën. Aftësia e tij për të nxitur një sistem funksional të drejtësisë, media të pavarura dhe polici apolitike do të kufizohet.

Në Shqipëri, nuk bëhet fjale për një mungesë të frymës demokratike ose njohuri që pengojne ndërtimin e institucioneve të pavarura. Është mungesa e fuqive mbizotëruese ekonomike dhe të interesit pengesa qe ata të jenë me të vërtetë të pavarur. Dhe kjo, pavarësisht largimit të Berishës, nuk e ka ndryshuar rrënjësisht.

Perktheu Daniela Vathi

Dërgo me email | Stampo artikullin