01/07/2013 11:16:23

Kosova në festën e Kroacisë

Presidentja Jahjaga ka përgëzuar në emër të saj dhe të popullit të Kosovës për suksesin historik dhe ka theksuar se pranimi në Bashkimin Europian është meritë e popullit dhe e institucioneve të Kroacisë

PRISHTINË - Presidentja e Republikës së Kosovës, Atifete Jahjaga dhe kryeministri Hashim Thaçi morën pjesë në Zagreb, në manifestimet me rastin e anëtarësimit të Republikës së Kroacisë në Bashkimin Evropian, mes shumë liderëve nga rajoni e shtete të tjera. Presidentja Jahjaga ka përgëzuar në emër të saj dhe të popullit të Kosovës për suksesin historik dhe ka theksuar se pranimi në Bashkimin Europian është meritë e popullit dhe e institucioneve të Kroacisë. "Anëtarësimi i Kroacisë do të përshpejtojë integrimin e pjesës tjetër të Ballkanit Perëndimor në Bashkimin Europian, që do të jetë një vlerë e shtuar për Bashkimin dhe një garanci e prosperitetit, stabilitetit dhe bashkëpunimit në rajon", theksoi ajo.

HermesNews - ©2013

Dërgo me email | Stampo artikullin