22/06/2013 16:04:51

Presidentja pranon Draftin e Integrimit Europian

Strategjisë kombëtare për integrim europian do të diskutohet dhe miratohet në takimin e radhës të Këshillit kombëtar për integrim europian

PRISHTINË - Presidentja e Kosovës, Atifete Jahjaga, pranon draftin e Strategjisë së parë Kombëtare për Integrim Eruopian "Kosova 2020: Një qasje gjithëpërfshirëse".

Presidentja u takua me ministren kosovare për Integrimin Europian, Vlora Çitaku, dhe kryetarin e Komisionit Parlamentar për Integrimin Europian, Lutfi Haziri, si bashkëkryesues të Task Forcës për Integrim Europian, të cilët i dorëzuan draftin e Strategjisë së parë Kombëtare për Integrim Europian.

Hartimi i Strategjisë filloi në Mars të vitit 2012 në takimin themelues të Këshillit Kombëtar për Integrim Europian, që është krijuar për qëllim bashkërendimi institucional nga Presidentja Jahjaga.

Jahjaga tha se dokumenti i Strategjisë kombëtare për integrim europian do të diskutohet dhe miratohet në takimin e radhës të Këshillit kombëtar për integrim europian.

HermesNews - ©2013

Dërgo me email | Stampo artikullin