18/06/2013 20:18:24

NASA zbulon një planet me 7.5 mld milje distancë nga ylli i tij

Kërkimet shkencore të Nasa-s amerikane sapo kanë sjellë në dritë mundësinë e një planeti të ri me ndihmën e teleskopit të famshëm Hubble

NASA- Kërkimet shkencore të Nasa-s amerikane sapo kanë sjellë në dritë mundësinë e një planeti të ri me ndihmën e teleskopit të famshëm Hubble. Një planet i ri i cili gjendet në një distancë rekorde nga ylli i tij.
Bëhet fjalë për 7 miliard milje distancë ose, thënë ndryshe, 12 miliard kilometra.

Planeti në fjalë është pjesë e pleiadës Idra ose Gjarpri i Detit. Gjer më sot janë zbuluar rreth 900 planete, përtej sistemit diellor, por asnjëri nga këta nuk ka një distancë kaq të afërt me “diellin” e tyre.

Shkencëtarët nuk janë ende të sigurtë për ekzistencën e planetit, është një supozim që lind nga fakti se kane rënë në gjurmët e një “boshllëku” protoplanetar me një diametër prej 41 miliard milje dhe që përmban pluhura dhe gaz. Ky boshllëk vjen si rrjedhojë e pranisë së një planeti, i cili duke kaluar në qiell mbledh pjesërisht materialet duke i shtyrë tutje.

Nëse arrihet të vërtetohet ekzistenca e këtij planeti, do të revolucionoheshin të gjitha teoritë aktuale mbi formimin e planetëve.

TW Hydrae, sipas llogaritjeve, është formuar rreth 8 milion vite më parë me një masë sa 55% e Diellit tonë. Por këta të dhëna nuk përputhen me prezencën e planetit sepse zakonisht një planet kërkon më shumë kohë për tu formuar, për shembull Jupiterit i janë dashur më shumë se 100 milion vjet për tu formuar.
Pra sipas teorive aktualisht ekzistuese këtij planeti i duhej grumbulluar më shumë material duke u rrotulluar për më shumë kohë akoma rreth diskut.

Një shpejgim alternativ mund të jetë prezenca e një zone me gravitet jo të stabilizuar, brenda diskut, dhe si rrjedhim kjo mund të ketë bërë që gazi dhe pluhurat të pësonin një kolaps mbi vetveten duke përshpejtuar kështu kohën e krijimit të planetit. Pra nëse kjo vërtetohet, të gjitha teoritë e sotme rreth krijimit të planeteve do të binin poshtë.

Daniela Vathi

Dërgo me email | Stampo artikullin