15/06/2013 08:07:37

Pulë me patate

nga Brunhilda Çela

Sekretet e aromave të Brunhildës Besoj nuk duhet ndonjë recetë për ketë specialitet tradicional, që na ka nderuar me vite në shtëpitë tona përdorej shpesh. Ajo që e bën të shijshme është që pula të jetë bio, pra pulë e rritur në mënyrë natyrore dhe patatet të jenë të reja dhe që nuk prishen gjatë pjekjes por që dalin edhe të buta e të paprishura, të dalë sigurisht në lëngun e vet. Nëse i keni patatet nga ato të vogla të reja mund dhe mos ti qëroni fare lëkurat vetëm i lani i pastroni dhe patate i vini ashtu siç janë. Pulën e lyej me kripë mirë, e lë të marrë pak kripën, e piperos e lyej, më pak lëng limoni. E fërkoj me vaj ulliri e vë të piqet njëherë pulën dhe kur pula të jetë pothuaj e pjekur po jo plotësisht e nxjerr lyrën e saj. Atëherë shtoj patatet e prera të lyera me kripë e pak vaj ulliri dhe pak fare ujë. I pjekim derisa të bëhen plotësisht edhe patatet. Unë kësaj i vë gjithmonë dhe pak rigon dhe në fund kur e servir shpërndaj ca gjethe rozmarini të freskët. Ju bëftë mirë !

HermesNews - ©2013

Dërgo me email | Stampo artikullin