10/06/2013 11:18:56

'Dikush i famshëm', lufta për liri

Nën regjinë e Rozi Kostanit, shfaqja sjell një grup femrash kriminele që bëjnë gjithçka për t'u arratisur në skenën teatrore

TIRANË - Premiera e komedisë “Dikush i famshëm”, vepër e autorit amerikan Douglas M. Larson, është ngjitur mbrëmjen e djeshme në Teatrin Kombëtar të Komedisë. Nën regjinë e Rozi Kostanit, shfaqja sjell një grup femrash kriminele që bëjnë gjithçka për t'u arratisur në skenën teatrore. Në interpretimin e Ema Andreas, Albana Sançollit, Marsela Lenës, Valina Muçollit e Arieta Dhimës, të pesta femrat krijojnë situata nga më absurdet edhe përtej moralitetit, por të shprehura nëpërmjet situatave komike. Krahas aktoreve femra, në skenë interpretojnë edhe Marko Bitraku e Pjerin Vlashi. “Dikush i famshëm” tregon historinë e katër të burgosurave, që gjenden një ditë në skenën e një teatri. Vepra e Larson është një vëzhgim i hollë i realitetit të sotëm, ku pazare dhe situata nga më absurdet mund të gjenden kudo. Shfaqja u ngjit premierë këtë javë.

HermesNews - ©2013

Dërgo me email | Stampo artikullin