07/06/2013 07:53:21

Gjellë me spinaq e mish qengji

nga Brunhilda Cela

Sekretet e aromave të Brunhildës Eshtë gjellë e traditës dhe të gjitha nënat tona e kanë gatuar në Dimër e në Pranverë. Këtej nga ne akoma nuk ka ardhur behari dhe mendova që sot të bej këtë gjellë që neve na pëlqen shumë. Këtu kam përdorur këta përbërës:

Mish qengji rreth 600 gr
1 kg spinaq
tre presha të vegjël i kisha një mjafton nëse është presh i madh (sot do e bëj me një tufë të madhe qepë të njoma)
vaj ulliri, kripë, piper.

Ujë për zierjen e mishit por nuk e bëj me shumë ujë pra me pak lëng se dhe spinaqi nxjerr lëngun e vet koper të njomë në fund fare hudhra po ashtu nga fundi fare unë i vë mos të humbasin aromën dhe 1 lugë miell. Këtë të fundit unë ia vë kur kavërdis mishin me qepën e njomë dhe kjo e lidh lëngun me shumë, por më pëlqen dhe në shije mielli i skuqur e lidh dhe e bën më të shijshme këtë lloj gjelle por jo shumë, kuptohet një lugë mjafton. Sot do e servir me feta limoni të grirë më pëlqen dhe kështu shumë dhe lart i vë përsëri pak vaj ulliri. Spinaqin unë e vë pasi mishi është zier plotësisht dhe sa nxjerr lëngun e vet. Nuk e lë të ziejë shumë që të ngelet ngjyra e bukur jeshile e mos të humbin vlerat e spinaqit.

HermesNews - © 2013

Dërgo me email | Stampo artikullin