03/06/2013 13:26:48

Domate të mbushura

nga Chef Renato Mekolli

Sekretet e aromave të Renatos Përbërësit: 10 domate, 2 qepë, 1/2 tufë majdanoz, 1/2 tufë menderz, 1 1/2 gotë oriz, 1 filxhan vaji ulliri 4 thelpinj hudhrash, 1 lugë sheqer, kripë, piper, rigon.

Përgatitja: Lajmë domatet dhe i zbrazim me një lugë nga brenda. Mbajmë mbushjen që kemi nxjerrë nga domatet dhe i kalojmë në multi mikser. Në një tigan skuqim qepën me hudhrat, vendosim orizin më pas domaten, erëzat, kripën sheqerin piperin. I skuqim për pak akoma dhe mbushim domatet. I vendosim në një tepsi dhe rreth tepsisë vendosim patate të prera në 4 copë, pak ujë dhe vaj ulliri. E mbyllim tepsinë me letër alumini për 40 minuta në temperaturë 200 gradë. Më pas heqim letrën e aluminit dhe e lëmë për 10 minuta akoma sa të marrë pak ngjyrë. Ju bëftë mirë.

HermesNews - ©2013

Dërgo me email | Stampo artikullin