02/06/2013 18:07:22

Tartë

nga Brunhilda Cela

Sekretet e aromave të Brunhildës Për brumin e tartës:
300 gr miell,125 gr gjalpë
1 vezë
lëkura e portokallit
rreth 100 gr sheqer
1 vezë
1 majë lugë sodë buke

Për kremin:
Bera krem pastiçieri me:
5 të verdha vezë
125 g sheqer
1 pako sheqer vanilje (me vanilje te vertete jo artificial)
40 g niseshte
300 ml qumësht
200 ml krem pana
1 bishtaje vaniljeje

Rhababer (shqip nuk e di si quhet) i zieva shumë pak duke karamelizuar një filxhan çaji sheqer integral. I shtova verë 150 ml, 100 ml lëng portokalli, lëkurë portokalli (bio), pak kanellë, pak karafil i vura dhe një gjethe indershaje (barbaroze).

Rhababer-in e zieva shumë pak sepse do piqet në furrë, e kullova dhe e shtrova lart mbi tartë si në foto, doja ta mbushja plot po nuk më doli për ta shtruar e mbuluar të gjithën.

Pastaj lëngun e mbetur e zieva sa bëhet një shurup i trashë dhe ia hodha sipër tartës kur e nxora nga pjekja. Ai lëngu shumë i shijshëm dhe aromatik. Tarta doli shumë e shijshme një kombinim fantastik me thartirën e rhabarberit.

HermesNews - ©2013

Dërgo me email | Stampo artikullin