29/05/2013 07:48:25

Çmime për artin, kinematografinë dhe diplomacinë shqiptare në Itali

Ish Ambasadori Shqiptar në Romë LLesh Kola dhe aktorja Luli Bitri morën çmime për artin dhe karrierën

NAPOLI - Artistë shqiptarë dhe diplomatët tanë me mision në Itali morën çmime për karrierën gjatë ceremonisë së organizuar në një prej sallave të teatrit "Umberto" në Napoli, edicioni i 13-të.

Mbrëmja ishte dedikuar personaliteteve të sukseshme në shumë fusha, të kulturës, kërkimeve shkencore dhe teknologjisë dalluar gjatë vitit për aftësinë e tyre kreative dhe humane.

Këtë vit morën çmim ish Ambasadori Shqiptar në Romë Z. Llesh Kola për arritjet e tij në promovimin e marëdhënieve italo-shqiptare dhe aktorja shqiptare që përfaqsoi Shqipërinë në Oscar dy vite më parë Luli Bitri.

I ftuar special dhe fituesi i çmimit të parë në Olimpiadën e Londrës për pikturë Alfred Mirashi (Miloti). Skenografia ishte e ideuar me çelësat e Mirashit, çfarë solli per publikun një surprizë të këndshme.

E rëndësishme prezenca e një delegacioni kinez për çmimin që iu dha piktorit Pan Lu Sheng, skulptori meksikan Sebastian dhe Prof. Vincenzo Sanfo për promovimin e artit italian në botë. Dhe këtë vit mbrëmja u organizua nga shoqata Napoli Cultural Classic.

HermesNews - ©2013

Dërgo me email | Stampo artikullin