27/05/2013 16:02:21

Muzika 'nuda' në Shqipëri

Në skenën e Teatrit Kombëtar të Operas dhe Baletit, duo-ja italiane 'Musica Nuda', që përben një revolucion muzikor në Itali, do të shfaq koncertin e parë në Shqipëri

TIRANË - Në kuadër të Festës së Republikës Italiane, 2 qershorit, ditën e premte në skenën e Teatrit Kombëtar të Operas dhe Baletit, duo-ja italiane 'Musica Nuda', që përben një revolucion muzikor në Itali, do të shfaq koncertin e parë në Shqipëri.

'Musica Nuda' është një duo e formuar nga Petra Magoni dhe Ferruccio Spinetti. Ata janë dy artistë të bashkuar nga dëshira për të çuar muzikën në esencën e vet duke nxjerrë në pah strukturën e brendshme dhe perceptimin e domethënies së saj më të thellë, duke ndërthurur jazz-in, këngën cilësore të traditës italiane, rock-un dhe madje edhe muzikën klasike.

Zëri i Petra-s dhe kontrabasi i Ferruccio-s depërtojnë në çdo kompozim që të çojnë në një jetë të re. Zëri i Petra-s është një interpretues emocionesh dhe kontrabasi i Ferruccio-s bëhet orkestër. Koncerti do të shfaqet, në 31 maj, ora 20:00 në TKOB.

HermesNews - ©2013

Dërgo me email | Stampo artikullin