27/05/2013 11:15:40

Jeta e Adelës, 'Palma e Artë' në Kanë

Spielberg, '...një histori tepër e bukur, një dashuri i mrekullueshme përmes të cilës mund të identifikohemi të gjithë ne'

KANË - "Jeta e Adelës", një film që flet për një pasion drithërues mes dy femrave ka marrë Palmën e Artë në Festivalin e Kanës. ''Është një histori tepër e bukur, një dashuri i mrekullueshme përmes të cilës mund të identifikohemi të gjithë ne, pak rëndësi ka pikëpamja e seksualitetit'', deklaroi mbërmjen e kaluar Steven Spielberg, presidenti i Jurisë së Festivalit. "Jemi të privilegjuar që e kemi parë këtë film dhe jo të damokosur, pavarësisht skenave tepër eksplicite seksuale'', shtoi ai.

''Është historia e një dashurie të thellë dhe të mrekullueshme. Regjisori nuk e ka manipuluar situatën reale. U përballëm me një ndjesi sharmante që na përcolli filmi përmes aktoreve të jashtëzakonshme, ndërkohë që regjisori u ka mundësuar personazheve të marrin realisht jetë gjatë skenave të xhirimit", shtonte ai gjatë një konference shtypit.

I pyetur lidhur me vështirësitë eventuale që mund të haste filmi në disa shtete amerikane konservatore, presidenti i jurisë theksoi ai "ky kriter nuk kishte shumë rëndësi" dhe po ashtu përgëzoi regjisorin franko-tunizian Abdellatif Kechiche për "kurajon e shfaqur përmes realizimit të këtij lloj filmi".

Steven Spielberg u shpreh se filme "Jeta e Adelës" do të gjente një ''publik të gjerë dhe mikpritës po ashtu do të ksihte një pritje të realizuar në SHBA".

HermesNews - ©2013

Dërgo me email | Stampo artikullin