27/05/2013 11:05:40

Durres, maratona ballkanike 2014

Zhvillimi i kësaj maratone promovon sportin dhe vlerat e traditat e qytetit

DURRES - Maratona ballkanike e vitit 2014 do të zhvillohet në qytetin e Durrësit. Detajet e projektit janë diskutuar pasditen e kaluar nga dy drejtues të lartë të Federatave rajonale te atletikës me kryetarin e bashkisë, Vangjush Dako. Kreu i bashkisë Dako ka pritur në një takim presidentin e Federatës Armene të Atletikës, Robert Emmiyan, si dhe presidentin e Federatës Bullgare të Atletikës dhe President i Shoqatës së Federatave të Atletikës të Ballkanit, Dobromir Karamarinov. Sipas Dakos, zhvillimi i kësaj maratone ballkanike në Durrës do të promovonte jo vetëm sportin, por edhe vlerat e traditat e qytetit dhe të gjithë Shqipërisë në arenën ndërkombëtare. Kjo do të jetë Ballkaniada e parë, që Shqipëria pret qysh prej 60 vjetësh, tha më tej kryebashkiaku.

HermesNews - ©2013

Dërgo me email | Stampo artikullin