22/05/2013 20:43:27

'Burri i Shtëpisë', tjetër sfidë për skenaristin shqiptar

Skenari më i ri Andamion Murataj është përzgjedhur në mesin e dy filmave nga SHBA për në Projektin prestigjioz PUGLIAEXPERIENCE 2013

NEW YORK - Pas sukseseve me skenarin e filmit “Falja e Gjakut”, për kineastin e talentuar shqiptaro-amerikan Andamion Murataj vjen suksesi i radhës. Skenari më i ri Andamion Murataj me titull “Burri i Shtëpisë” (Man of the House), sapo është përzgjedhur në mesin e dy filmave nga SHBA për në Projektin prestigjioz PUGLIAEXPERIENCE 2013, “Apulia Workshop Audiovizual”, transmeton ‘Metropol’ njoftimin.

Ky projekt zhvillohet në rajonin Puglia-s (Itali) për 3 javë nga 17 qershor deri 6 korrik. Ky është një bashkëpunim i “Quinoxe Europe” me “Apulia Film Commission”, sipas modelit të Sundance Film Lab, në Shtetet e Bashkuara, me qëllimin përzgjedhjen dhe zhvillmin e projekteve filmike të disa prej skenaristëve të rinj dhe më të sukseshem në botë.

“Besoj që filmi i im ‘Burri i Shtëpisë’, shprehet Murataj, ka në qendër të tij një karakter që nuk ka zënë kurrë më parë vend qendror në kinemanë europiane, pikërisht një burrneshë shqiptare, do të ngjalli interesim. Jam i nderuar që ky skenar që në fillesë ngjalli vëmendjen e institucioneve qendrore të filmit europian”, thote Andamion Murataj.

HermesNews - ©2013

Dërgo me email | Stampo artikullin