20/05/2013 18:49:26

Westerwelle ne Prishtine

Media në Prishtinë raporton nga Beogradi se, Westerwelle ka bërë thirrje për zbatimin e marrëveshjes së 19 prillit të parafuar nga kryeministrat e Kosovës dhe Serbisë

PRISHTINË - Ministri Federal për Punë të Jashtme i Gjermanisë, Guido Westerwelle mbërrin sot në Prishtinë, pas Beogradit, ku shkoi dje pasdite dhe vazhdoi edhe sot takimet me autoritetet më të larta të Serbisë.

“Dakordimi për të zbatuar marrëveshjen e Brukselit është kushti kryesor për përparimin e mëtejshëm të Serbisë në rrugën evropiane”, ka porositur Westerwelle.

Media thekson se, Gjermania është në mesin e vendeve më të zëshme të Bashkimit Evropian, të cilat i kanë bërë thirrje Serbisë që të largojë strukturat e saj paralele nga veriu i Kosovës dhe të normalizojë marrëdhëniet me shtetin e ri, nëse do që të shënojë përparime në procesin integrues.

Sipas MPJ-së kosovare, ministri Westerwelle, gjatë qëndrimit në Kosovë do të takohet me kryeministrin e Republikës së Kosovës, Hashim Thaçi dhe ministrin e Punëve të Jashtme, Enver Hoxhaj.

Ministri Westerwelle, mbërrin në Aeroportin Ndërkombëtar të Prishtinës “Adem Jashari”, në ora 13:00, ku do të pritet nga ministri i Punëve të Jashtme i Kosovës, Enver Hoxhaj.

HermesNews - ©2013

Dërgo me email | Stampo artikullin