17/05/2013 10:14:28

Fest-Argjiro 20013, sot nata e trete dhe e fundit

Kryetari i Bashkisë së Gjirokastrës, Flamur Bime, në përfundim të 'Fest-Argjiro 2009', e cilësoi këtë aktivitet kulturor, domosdoshmëri që promovon vlerat shqiptare dhe për të dhënë mesazhin festiv

GJIROKASTËR - Nata e tretë dhe e fundit në edicionin e 4-të të Festivalit Folklorik Ndërkombëtar “Fest-Argjiro 20013”, shpalosi repertorin më të pasur të 6 vendeve në koncertin e folkut, nga 200 artistë, që dhuruan emocione të paharrueshme për artëdashësit gjirokastritë në odeonin e qytetit të gurtë.

Ndryshe nga dy netët e para, festivalistët nga Kosova, Maqedonia, Krocia, Bullgari, Polonia, Greqi dhe Shqipëria, sfiduan shiun e mbrëmjes së djeshme dhe “shkundën” skenën e odeonit.

Kryetari i Bashkisë së Gjirokastrës, Flamur Bime, në përfundim të “Fest-Argjiro 2009”, e cilësoi këtë aktivitet kulturor, domosdoshmëri që promovon vlerat shqiptare dhe për të dhënë mesazhin festiv, se qyteti nuk shpëton dot nga kjo gjallëri e munguar vitet e fundit.

“Nga ky qytet, pasuri e trashëgimisë botërore në UNESCO, mesazhi universal i paqes, harmonisë dhe integrimit është aktual, më i fortë se kurrë. Gjithë Ballkani foli për tre netë me gjuhën e shpirtit, hartën e këngës dhe valles ballkanike”, tha Bime.

Duke u dorëzuar 6 ansambleve çertifiktatat e mirënjohjes, Bime tha se "tradita shqiptare, e ngjashme me atë të çdo vendi tjetër të Ballkanit më mëson t’ju dorëzoj ju miq të çmuar të këngës e valles, çelsat e shtëpisë të qytetit të mrekullueshëm".

Gjatë tre netëve të Festivalit Folklorik Ndërkombëtar “Fest-Argjiro 2009”, u ngjitën në odeonin e festivalit, 200 artistë nga ansamblet kosovare “Jehona e Dukagjinit” Klinë, “Lidhja e Prizrenit”, Prizren (Kosovë), “Jahi Hasani” Cegran, Gostivar (Maqedoni), “Bychleëianka” Pabianice (Poloni), “Sklivania” Shoqata kulturore patriotike”, Janinë (Greqi), “Zeljezniçar”, Zagreb (Kroaci), Folk Dance Esembly “Zdravets” Sofi e (Bullgari).

HermesNews - ©2013

Dërgo me email | Stampo artikullin