15/05/2013 15:09:15

Pedonalja 'Murat Toptani', atelie për artistët

Ndërkohë që në vendet europiane piktorët e rrugës janë të shumtë, në Shqipëri ky term është shumë pak i njohur

TIRANË - Pedonalja “Murat Toptani” ka mbledhur rreth saj piktorë qe kanë zgjedhur këtë vend si atelie për punët e tyre. Për ta piktura është pasion, por jo vetëm. Eshtë mënyrë edhe për të siguruar të ardhurat financiare. Ndërkohë që në vendet europiane “piktorët e rrugës” janë të shumtë , në Shqipëri ky term është shumë pak i njohur.

Një prej tyre është edhe Endri për të cilin rruga nuk është vendi më komod ku mund të punoj një artist, por ai ka sakrifikuar këtë komoditet për ti dhënë më shumë hapësirë dhe mundësi shprehjeje dhe pamjeje artit të tij. Dashuria e tij për pikturën ka lindir që fëmijë. Pasi mbarova Liceun Artistik në Berat vendosi të eksperimentoj dhe të punoj në artin e rrugës.

“Mungesa për ta përballuar financiarisht ambientin e një studioje luan një rol kryesor në këtë zgjedhjen time. Por, rruga më pëlqen më shumë nga kontaktet që ajo më jep me klientët, ndryshe nga studioja”, shprehet piktori.

Më së shumti ai realizon portrete pasi ato i sjelli më shumë të ardhura për të jetuar. “Të pikturosh në rrugë eshtë dhe mënyrë jetese dhe çështje pasioni. Të dyja janë të gërshetuara së bashku. Baza me të cilën unë mundohem të kem një jetesë të mirë është pikërisht ky pasion që unë kam për pikturën”, tha Endri.

Arturi 52 vjeçar është një tjetër nga piktorët e rrugës. I lindur në një familje artistësh sot, ai shet pikturat e tij të punuara në dru në tek pedonalja për të mbajtur familjen e tij me të ardhura financiare.

“I kam kushtuar gjithë jetën time këtij arti dhe trishtohem shumë kur janë të rrallë individët që e vlerësojnë këtë art, pikturat e punuara në dru janë një gjini shumë e vështirë sepse përveçse kushtojnë materialet edhe imazhet që gjenden nga interneti duhet të jenë shumë të qarta”, shprehet Arturi.

Me të ardhurat që fiton ai mund të mbajë vetëm familjen, ndërkohë që troshtohet që nuk hap dot një ekspozitë personale, kur dëgjon se çmimi i galerove është 70 Euro dita.

“Këto vepra që ju shihni janë të ardhurat e vetme financiare, që e mbajnë shtëpinë time në këmbë”, thotë Arturi. Për këdo që kalon është e pashmangshme të mos hedhë sytë nga pikturat e artistëve të rrugës. Nën hijen e pemëve ata çdo ditë i shtojnë ngjyrat pedonales së kryeqytetit.

HermesNews - ©2013

Dërgo me email | Stampo artikullin