08/05/2013 16:45:29

Zbulime mbi 8000 vjeçare në Korçë

Arkeologët kanë zbuluar vegla prej kocke, guri, dhe gjurmë të shtrojeve të kasolleve që asaj kohe përdoreshin për banesa të cilat datojnë 8.500 vjet para Krishtit

KORÇË - Gërmimet arkeologjike në vendbanimin e Vashtëmise, i cili daton 6000 vjet para Krishtit, vazhdojnë të nxjerrin në dritë gjurmët e jetës në këtë zonë. Së fundi, arkeologët kanë zbuluar vegla prej kocke, guri, dhe gjurmë të shtrojeve të kasolleve që asaj kohe përdoreshin për banesa të cilat datojnë 8.500 vjet para Krishtit. Arkeologët kanë gjetur gjithashtu gjatë gërmimeve edhe mbetje të enëve në qeramikë dhe objekte të tjera të cilat japin detaje mbi jetën e banorëve në këtë periudhë. Në qershor pritet të përfundojë projekti i përiudhës së neolitit të hershëm në Shqipëri, në këtë zonë.

HermesNews - ©2013

Dërgo me email | Stampo artikullin