06/05/2013 14:04:13

Sardele në furrë

nga Chef Renato Mekolli

Sekretet e aromave të Renatos Përbërësit: 1 kg sardele, 1/2 gotë-uji vaj ulliri, 3 domate të grira, 1 qepë të grirë të vogel, 1/2 tufë koper, 3 thelpinj hudhrash, pak menderz, 2 gjethe dafine, kripë, piper.

Përgatitija: Pastrojmë sardelet mirë, i heqim kokat ose mund t'i vini edhe me kokat. I kriposim dhe hedhim piperin, më pas i shtrojmë me kujdes në tepsi. Në një tigan skuqim qepën hudhrat dhe më pas i hedhim domaten. Vendosim erëzat dhe e lëmë salcën të marrë shije dhe të trashet. Pasi të jetë gati salca, e vendosim në tepsinë me sardelet, brenda furrës të cilën e kemi ngrohur më parë në temperaturën 200 gradë. E lëmë brenda në furrë për 10 minuta dhe sardelet janë gati. Ju bëftë mirë !

HermesNews - ©2013

Dërgo me email | Stampo artikullin