06/05/2013 11:06:03

Shkodër, aktivitete për ditën e luleve

Iniciatorët e parë të kësaj feste para shtatë vitesh kanë qënë një grup artistësh të shoqatës së piktorëve Kol Idromeno të Shkodrës

SHKODËR - Ne qytetin e Shkodres kane nisur aktivitetet kushtuar “Dites së Luleve”, një festë kjo që është tradicionale, pasi në vitet e mëparshme ajo është festuar në kuadrin e Ditës së Shën Gjergjit, një ditë që përfshin të gjithë qytetin pa asnjë dallim përkatësie fetare në zbukurimin e banesave të tyre me lule dhe gjelbërim.

Iniciatorët e parë të kësaj feste para shtatë vitesh kanë qënë një grup artistësh të shoqatës së piktorëve “Kol Idromeno” të Shkodrës, në bashkëpunim me dashamirësit e muzikës, Isa Alibali, Gjon Shllaku, Ridvan Karakaçi, Myfarete Laze, etj. Me pas festa mori edhe mbështetjen e plotë të Bashkise se Shkodrës dheu shndërrua në tradicionale për mbarë komunitetin.

Në diten e parë të programit dyditor të aktiviteteve kushtuar kësaj feste, qëndra e qytetit dhe në veçanti zona pedonale e rrugës Kol Idromeno është bllokuar nga pavionet e shumta të Panairit të Luleve, ku ka nisur edhe vershimi i qytetarëve shkodranë. Me të njëjtin iteresim shfaqet edhe Panairi i Artizanatit, Ekspozita e Piktures dhe e Fotografisë, Panairi i Librit, etj.

Aktivitetet kushtuar "Dites së Luleve" do të mbyllën mbrëmjen e së dieles me një koncert madhështor të organizuar nga Bashkia e Shkodrës, ku do të marrin pjesë artistët më në ze te qytetit si dhe të ftuar nga Tirana dhe jashtë vendit.

HermesNews - ©2013

Dërgo me email | Stampo artikullin