27/04/2013 17:57:07

Përkujtohet 90 vjetori i lindjes së Jakov Xoxës

Personalitete të letrave nga Shqipëria e Kosova, janë mbledhur sot bashkarisht në rrënojat e tempullit të Apolonisë së lashtë

FIER - Qytetare të shumtë fierake, personalitete të shquara të botës së artit dhe kulturës, akademike, personalitete të letrave nga Shqipëria e Kosova, janë mbledhur sot bashkarisht në rrënojat e tempullit të Apolonisë së lashtë (foto), për të përkujtuar 90 vjetorin e lindjes së shkrimtarit të madh fierak, Jakov Xoxa, si dhe për të promovuar muzeun kushtuar jetës dhe veprës së tij.

Sipas profesorit kosovar, Agim Vinca, tubimi në përvjetorin e lindjes dhe jo në atë të vdekjes, është kuptimplotë, pasi njerëz të tillë si Xoxa, që me penën, me kulturën dhe shpirtin e tyre krijues, kanë prodhuar të tilla vlera, e kanë mundur braktisjen, harresën, vdekjen. Për ta ka vetëm ditëlindje. "Xoxa kështu do t'i mbledhi njerëzit, pasi për të vetëm ditëlindje do të ketë ", tha Vinca.

Miqtë nga Prishtina e Tirana ndoqen këngët dhe vallet e bukura të trevës së Myzeqesë, Kosovës e Camërisë, interpretuar me mjeshtëri nga Asmbli i Këngëve dhe Valleve të Myzeqesë. Më pas aktiviteti u trasferua në dhomën muze, ku të pranismit u njohën nga afër me vepën dhe jetën e Xoxës, nepermjet objekteve te shumta të punës, fotot, sendet, gjithe arsenali i materialeve të përdorura nga gjeniu i letrave qe të ekspozuara në muze.

"Në vitin 1980 kjo ishte dhoma muze e shkrimtarit Jakov Xoxa. Tani e ringrejmë duke i dhënë vlera të tjera, duke e kompletuar, duke dashur të përcjellim figurën e shkrimtarit tone të madh në gjithë kompleksitetin e vet", u shpreh drejtori i kulturës pranë bashkisë Fier, Frederik Jorgaqi. Me pas pati referime, analiza, diskutime e komente rreth emrit, figurës dhe veprës se Xoxes.

HermesNews - ©2013

Dërgo me email | Stampo artikullin