25/04/2013 11:05:08

Minikek me mjaltë (prej lules së radhiqes)

nga Brunhilda Çela

Sekretet e aromave të Brunhildës Kjo është një recetë e imja, shumë e thjeshtë, bëhet për 12 mini-kek.

Përbërësit: 3 vezë, 5 lugë mjaltë lule radhiqeje (recetën e mjaltit me lule radhiqe, do mundohem t'a nxjerr këto ditë se tani e kanë kohën. Ky mjaltë jo vetëm që është i shijshëm por ka vlera shëndetësore). Një filxhan kafeje plot vaj, 200 ml kos ose rreth 2 filxhanë kafeje, 2 lugë kafeje pluhur pjekës,
lëkurë limoni, 2 filxhanë të mëdhenj çaji miell, pak kanellë ose karafil pluhur
në mes nga një lugë kafeje marmalatë ose prevede sipas shijes suaj.

Kollaj fare përgatitja: Përzieni të gjithë përbërësit e thatë bashkë në rastin tonë miellin dhe pluhurin pjekës me kanellën. Në një tas hedhim të gjithë përbërësit e lëngshëm rrahim me tel rreth 3-4 minuta, shtojmë dhe miellin dhe përziejmë sa të përfitojmë një masë homogjene. Hidhini nëpër forma dhe piqini në temperaturë 185 gradë rreth 15-18 minuta. Në fund mund t'i vini dhe sheqer pluhur.

HermesNews - ©2013

Dërgo me email | Stampo artikullin