18/04/2013 10:08:31

18 Prill, një ditë për monumentet

Kjo datë është kthyer në ditën e shënuar të monumenteve që prej 18 prillit 1982 dhe është shndërruar në një traditë të përvitshme organizimi i aktiviteteve

TIRANË - Dita e sotme shënon në kalendarin e aktiviteteve ndërkombëtare Ditën Ndërkombëtare të Monumenteve. Kjo datë është kthyer në ditën e shënuar të monumenteve që prej 18 prillit 1982 dhe është shndërruar në një traditë të përvitshme organizimi i aktiviteteve.

Edhe në Shqipëri, në këtë kuadër organizohet hyrja falas në monumente dhe zhvillohen aktivitete të ndryshme lidhur me vlerat, rëndësinë si edhe rreziqet që i kanosen monumenteve të kulturës, më së shumti me nxënësit dhe të rinjtë , të cilët jo vetëm do t’i trashëgojnë këto vlera të trashëgimisë kulturore, por duhet edhe t’i mbrojnë dhe çojnë më para elementet e saj.

Kjo ditë, përveçse kthehet në një ditë aktivitetesh të ndryshme kulturore për njohjen e monumenteve dhe vendbanimeve kulturore, luan një rol të rëndësishëm edhe në fokusimin e vëmendjes në problematikën e monumenteve, tërheqja e vëmendjes për llojet e rrezikuara të trashëgimisë kulturore.

Konferenca e Përgjithshme e UNESCO-s, në sesionin e saj të 22- të, në nëntor 1983 e deklaroi këtë datë si "Dita Ndërkombëtare e Monumenteve dhe Vendbanimeve Historike".

HermesNews - ©2013

Dërgo me email | Stampo artikullin