11/04/2013 10:04:52

Daniel Godelli, kampioni Europian

Nje medalje ari dhe tre medalje bronxi ne kampionat

TIRANE- Danie Godelli i ka dhënë Shqipërisë titullin e parë të Kampionit të Evropës në stilin e shtytjes, si dhe dy medalje të bronzta, në kategorinë e peshës trupore deri në 69 kg, në ditën e tretë të Kampionatit Evropian të Peshëngritjes për Të Rritur, që po mbahet në Tiranë.

Është zhvilluar të mërkurën gara e grupit A të kategorisë së peshës trupore deri në 69 kg për meshkuj dhe Daniel Godelli i ka dhënë Shqipërisë një medalje të artë dhe dy të bronzta, ndërsa Briken Calja nuk ka arritur të jepte atë që pritej prej tij.

Ndërkohë që Calja ka dështuar në të 3 provat e shkëputjes me 142 kg, nga ana tjetër me një provë të suksesshme në këtë stil me 145 kg, Godelli ka marrë vendin e tretë dhe medaljen e bronztë, ndërsa medalja e artë u fitua nga rusi Igor Çen dhe ajo e argjendtë nga azerbajxhanasi Sardar Hasanov.

Ndërkaq, në shtytje, Calja ia ka dalë të ngrejë 174 kg, duke qenë përkohësisht në zonën e medaljeve në këtë stil, por një provë e tretë e guximshme, por e suksesshme me 180 kg e Godellit, ka bërë që peqinasi ta shtyjë rivalin e tij shqiptar jashtë zonës së medaljeve, si dhe të marrë kreun e podiumit në këtë stil, duke i dhënë kështu Shqipërisë titullin e parë kontinental në këtë Kampionat Evropian që po mbahet në Tiranë.

Në deklaratat pas gare të Godellit, të trajnerit të tij, Sokol Bishanaku, dhe të presidentit të Federatës Shqiptare të Peshëngritjes, Elez Gjoza, ka mbizotëruar kënaqësia për medaljet e fituara, keqardhja që nuk u shkua dot më larg optimizmi që kjo garë jep për të ardhmen.

HermesNews-©2013

Dërgo me email | Stampo artikullin