11/04/2013 09:49:30

Romela Begajt i mungon ari, vetëm një e argjendtë dhe dy të bronzta

Shtangistja shqiptare u rendit e treta në këtë stil, pas bjelloruses dhe rumunes

TIRANE - Dy medalje të tjera të bronzta dhe një argjendtë i janë shtuar bilancit të Shqipërisë në këtë Evropian të mërkurën në mbrëmje nga Romela Begaj, e cila ka qenë në podium në baterinë A të kategorisë së peshës trupore deri në 58 kg për femra, ndonëse jo në shkallët që kishte synuar.

Begaj i ka djegur dy provat e para të saj në stilin e shtytjes dhe vetëm në të tretën ka arritur të ngrejë 95 kg, duke marrë vendin e dytë, por vetëm për shkak të peshës trupore, pas bjelloruses Alina Çiçkan, dhe duke lënë prapa rumunen Loredana Elena Toma. Në shtytje ka qenë pak a shumë e njëjta tablo, ku Begaj ka patur vetëm një provë të suksesshme, me 112 kg, duke i shkuar dëm dy të tjerat me 116 kg.

Kjo ka bërë shtangistja shqiptare të renditet e treta në këtë stil, pas bjelloruses dhe rumunes, ashtu sikundër ka ndodhur edhe në dygarësh, ku Çiçkan mori kreun e podiumit me 213 kg, Toma vendin e dytë me 210 dhe Begaj të tretin me 207 pikë.

HermesNews - ©2013

Dërgo me email | Stampo artikullin