08/04/2013 10:59:16

Boks, Rusia merr kupën e turneut

Shqipëria mori kupën e boksierit më të mirë të turneut, e cila fitohet nga boksieri i talentuar shkodran, Kristian Demaj, njëkohësisht fitues i medaljes së artë në peshen deri në 81 kg

SHKODËR - Ka përfunduar ne Shkoder turneu ndërkombëtar i boksit “Memorial - Vllaznia 2013”, qe u fitua nga boksieret e Rusise. Në një rivalitet shumë të fortë me kombëtaren e Rusisë, përfundimi i ndeshjeve finale të natës së tretë te dielen ne mbremje, ka fiksuar sërishmi një barazpeshë, ku kombëtaret e Shqipërise dhe Rusise kishin fituar nga tre medalje të arta. Por, me një medalje të argjendë, Rusia ka fituar trofeun e turneut.

Ndërkohë, Shqipëria mori kupën e boksierit më të mirë të turneut, e cila fitohet nga boksieri i talentuar shkodran, Kristian Demaj, njëkohësisht fitues i medaljes së artë në peshen deri në 81 kg. Kupat përkatese u dorëzuan gjatë ceremonisë së mbylljes së aktivitetit nga Presidenti i Federatës Shqiptarë të Boksit, Gjergj Leqejza dhe Skretari i Përgjithshëm të kësaj Federate, Edmond Kabashi.

Krahas Kristian Demajt, që duke mundur në finale për peshen deri në 81 kg bullgarin Radoslav Pantaleev ,Shqipëria fitoi edhe dy medalje të tjera të arta, protogonistë të të cilave ishin Taulant Zajmi, i cili në peshen deri në 49 kg mundi rusin Valentin Chebochakov, dhe vlonjati Rexhildo Zeneli në peshen der në 56 kg, duke mundur në finale Uzylan Tigran të Rusisë.

Tre finalistët e tjerë kuqezi, Kristian Shytani për peshen 64 kg, Xhulio Vrenozt për peshen 69 dhe Nelson Hysa në peshen super të rëndë, i humbën ndeshjet e tyre duke marre medaljet e argjenda.

HermesNews - ©2013

Dërgo me email | Stampo artikullin