06/04/2013 18:14:19

Hap dyert shtepia e Babametos

Shtëpia e gurtë e Babametos, e cila ndodhet fare pranë zonës muzeale, ka qenë një ndër shtëpitë gjirokastrite më të vizituara nga personalitet e kulturës, jo vetëm shqiptar, por edhe të hua

GJIROKASTËR - Në Gjirokastër u inagurua sot restaurimi i plotë i shtëpisë 300 vjeçare të Babametos ( foto), një nga ndërtesat më karakteristike në zonën muzeale. Reustaurimi u realizua me një fond rreth 200 mijë euro, investim i Organizatës Trashëgimia Kulturore pa Kufinj (CHwB). I pranishëm në këtë aktivitet ministri i ri i Kulturës, Rinisë dhe Sporteve, Visar Zhiti. “Suedia është vendi që jep çmimi “Nobel”, ndërsa ne sot i japin Suedisë nobelin e zemrave gjirokastrite”, tha Zhiti. Shtëpia e gurtë e Babametos, e cila ndodhet fare pranë zonës muzeale, ka qenë një ndër shtëpitë gjirokastrite më të vizituara nga personalitet e kulturës, jo vetëm shqiptar, por edhe të huaj. Pas vitit 2008, mjaft drejtues të lartë të shtetetit, si dhe personalitete të huaja kanë ndjekur nga afër punimet restauruese në këtë banese, duke admiruar njëkohësisht edhe mjështërinë e gurgdhëndësve gjirokastritë, të cilët lartësuan muret e gurta të kësaj shtëpie.

HermesNews - ©2013

Dërgo me email | Stampo artikullin