06/04/2013 13:12:58

Rikthehet pas pesë vitesh Bujar Qamili

Gjatë koncertit recital të këngëtarit Bujar Qamili, u zhvilluan dhe duete, si dhe u interpretuan për spektatorin dhe këngë të reja

TIRANË - Këngëtari i njohur i muzikës popullore, Bujar Qamili (foto), zhvilloi mbrëmjen e djeshme në Pallatin e Kongreseve një koncert recital live. Në koncertin me titull "Aroma e këngës popullore", Bujar Qamili interpretoi rreth 18 këngë. Gjatë interpretimit të repertorit të përgatitur këngëtari u mbështet dhe nga artistët e Ansamblit të Këngëve dhe Valleve Popullore. Bujar Qamili u rikthye pas pesë vitesh me një koncert recital, në të cilin nuk munguan dhe artistë të shumtë të ftuar si Zyliha Miloti, Gëzim Kruja, Besnik Çinari, Muhamet Çekini dhe parodistët e Vlorës. Gjithashtu në mbrëmjen e djeshme në skenë u interpretuan dhe këngë të tjera të sjella për spektatorin nga grupi i këngëtarëve shkodranë, por dhe Artiola Toska dhe Shkëlzen Jetishi. Gjatë koncertit recital, u zhvilluan dhe duete, si dhe u interpretuan për spektatorin dhe këngë të reja. Bujar Qamili është ndër këngëtarët më të mirë të këngës popullore shqiptare e veçanërisht asaj shkodrane.

HermesNews - ©2013

Dërgo me email | Stampo artikullin