06/04/2013 12:40:53

Pritet të shitet në ankand piktura e Madonas

Vepra e piktorit kubist Fernand Leger 'Tri gra në tryezën e kuqe' është vlerësuar me një vlerë prej rreth 7 milionë dollarë

NEW YORK - Një pikturë e artistit francez, Fernand Leger që i përket këngëtares, Madonna do të shitet në ankand më 7 maj në New York për financimin e edukimit të vajzave në disa vende të botës, bënë të ditur sot burime zyrtare vendase. "Vepra e piktorit kubist 'Tri gra në tryezën e kuqe' është vlerësuar me një vlerë prej rreth 7 milionë dollarë", theksuan burimet zyrtare amerikane. "Kam vendosur të shes këtë pikturë dhe të ardhurat që do të mblidhen do të shërbejnë për financimin e projekteve edukative për vajzat në Afganistan, Pakistan dhe në vende të tjera", u shpreh Madonna. Shitja e pikturës do të zhvillohet më 7 maj. Piktura do të ekspozohet fillimisht në Hong Kong dhe në Londër në prill, më pas në Nju Jork më 3 maj.

HermesNews - ©2013

Dërgo me email | Stampo artikullin