01/04/2013 12:00:31

Koncerti i virtuozeve ne TKOB

Më datë 6 Prill pianistët bashkohen në një koncert në Tiranë

TIRANË - Violinisti Ermir Abeshi dhe pianisti Thomas Hoppe bashkohen mbrëmjen e 6 prillit për të sjellë në skenën e Teatrit Kombëtar të Operas dhe Baletit “Koncertin e virtuozëve”.

Programi i këtij koncerti përmban pjesë nga J. Brahms- Sonata No. 1 në sol maxhor për violinë dhe piano, Vivace ma non troppo; Adagio-Piu andente-Adagio; Allegro molto moderator. Gjithashtu do të ketë pjesë nga F. Schubert dhe D. Oistrakh - Valse-Caprice, pjesë nga M. Ravel - Sonata Posthume si dhe nga E. Grieg - Sonata no.3 në Do minor për violinë dhe piano, etj.

Thomas Hoppe i lindur në Gjermani gëzon një reputacion të madh si një pianist i shquar dhe artist bashkëpunues. Ai performon vazhdimisht me instrumentistë dhe këngëtarë në USA dhe në Evropë si dhe ka dhënë koncerte me disa artistë të shquar.

Violinisti Ermir Abeshi i lindur në Elbasan më 1987 është finalist i Konkursit Ndërkombëtar për Violinë “Queen Elisabeth” në Bruksel si dhe fitues i Çmimit të dytë të Konkursit Ndërkombëtar për Violinë “Lipzer” në Gorizia (Itali). Ai ka performuar si solist në orkestrën kombëtare të Belgjikës.

HermesNews - ©2013

Dërgo me email | Stampo artikullin