28/03/2013 09:52:33

Serbët bllokuan gjykatën në veri të Mitrovicës

Sirenat e alarmit kanë ftuar qytetarët serbë për t’u tubuar para gjykatës, ku kanë shkuar edhe përfaqësues të strukturave paralele në veri

PRISHTINË - Në veri të Mitrovicës, sot në mëngjes serbët bllokuan gjykatën, ku pritej të shpallej vendimi për gjashtë të akuzuar për trazirat e marsit 2008. Sipas mediave vendase, forca të mëdha të ELEX-it, të cilët kanë arritur në Gjykatë para orës shtatë, nuk kanë mundur të hynë brenda dhe janë kthyer prapa. Ndërkohë, sirenat e alarmit kanë ftuar qytetarët serbë për t’u tubuar para gjykatës, ku kanë shkuar edhe përfaqësues të strukturave paralele në veri, ndërsa rrugët drejt dy hyrjeve janë bllokuar me një eskavator dhe disa kamionë.

HermesNews - ©2013

Dërgo me email | Stampo artikullin