20/03/2013 11:13:14

Yves Plat, pranvera e frankofonisë në Durrës

Një koncert i mrekullueshëm, i dyti në radhë pas Fierit, para mbrëmjes që pritet sot në teatrin e Komedisë në kryeqytet

DURRES - Pianisti francez Pierre Yves-Plat ka fituar mbrëmjen e kaluar admirimin dhe duartrokitjet e merituara të publikut durrsak, në koncertin e organizuar në kuadër të promovimit të "Pranverës së frankofonisë" në sallën e teatrit "Aleksandër Moisiu" të qytetit bregdetar. Me një komunikim të jashtëzakonshëm, jo vetëm me instrumentin, por edhe me publikun e shumtë në sallë, Yves-Plat, bashkë me vlerat koncertale ofroi edhe një leksion të gazmendit që mund të krijojë piano, e njohur për ftohtësinë dhe klasicitetin e saj. 33-vjeçari nga Parisi, i formuar në rininë e hershme si pianist klasik, interpretoi pjesë nga Moxart, Bet’hoven dhe Shopen, duke përcjellë nga veprat e mirënjohura të "baballarëve të muzikës" një stil krej të veçantë e të drejtpërdrejtë. Një koncert i mrekullueshëm ky i Durrësit, i dyti në radhë pas Fierit, para mbrëmjes që pritet sot në teatrin e Komedisë në kryeqytet.

HermesNews - ©2013

Dërgo me email | Stampo artikullin